الثلاثاء، 22 سبتمبر 2009

لكاك وايناس الدغيدي

Post Views:

الناس وايناس

دوشة وحيصة على ايناس
قلت مين يا ولاد
قالوا واحدة بتطلع في التلفاز
قالت مش هحط على راسي حجاب
يارب عليا متكتبهاش
زعلت منها الناس
اللي بيشتم واللي يطالب بالاعدام
********************
قلت عليها اتفرج قالوا برنامج عامل قلبان
الساعة اتناشر لقيتها جاية
تقولي اتجرأ واتفرج
قلت ومالوا علي يا واد
*************************
شفت حلقة وحلقتين وحلقات
لقيت الفطرة فيها ايمان بصلي الواد لكن كملت كلام
ليها كلام بيعدي وكلام بيمر
وكلام الخطوط تحته تمر
وكلام طبعا يعمل قلبان
لكن مش ده المهم
**********************
بص يا ابني متشتمهاش
مش يمكن تيجي وعلى راسها حجاب
بس يا عمي بلاش سرحان!!
يعني شتمتك ليها هتخليها تحط حجاب
اشتم تشتم وتعند وياك
***********************
خدها مني نصيحة
اعمل زي ما رسولك عمل
بالحكمة والموعظة الحسنة دعى
ولولا كده ما كان حد دخل الاسلام
************************
خلي اخلاقك حلوة وادع الناس بالحكمة
كله اتولد بالفطرة جواه ايمان
لكن منا اللي يعاند واللي يكابر
مش بيعاند الدين
بيعاند الناس من حوليه
بيعاند بيئة عنفت له الدين
ممكن تربية قاسية تضر
شدة وعنف رباط على الدين بيتلف
***********************
ممكن يا ابني ترسم صورة حلوة لدينك
ولو رسولك شتم اودعى بالعنف
كنت اقولك بالسيف امشي وبالرمح
فك الرباط بايديك
وجمع الناس حوليك
الكلمة الطيبة هتجيب نتيجة اكيد
*********************
وده اخرة كلامي ليك
سلام

لكاك

0 التعليقات:

إرسال تعليق